24, ఆగస్టు 2012, శుక్రవారం

ఇప్పుడు ఎం చేయగలం 
  నాలుగు కన్నీటి బొట్లను
కరవాలం చేసి సందించడం తప్ప 

లోద్దిమాను ఒడిలో 
 
గాయపడ్డ కలలను 
.........................
లక్సింపేట లో 

చనిపొఇన  చిరుగాలిని 

గోరింతకుతో ఎరుపెక్కిన 

చేతుల్లో పెట్టడంతప్ప . 
 

11, ఏప్రిల్ 2011, సోమవారం

అన్యాయం

మార్చ్ 27, 2011

ఈరోజు నేను పాలెం( పాలమూరు) Oriantal కాలేజీ డేకి స్పీకర్ గా వెళ్ళాను. ఎంత అన్యాయం ,తెలంగాణాలో ఇది మొదటి కాలేజీ. 1964 లో ఏర్పడింది. స్టూడెంట్స్ చాలా తక్కువగా ఉన్నారు. రెగ్యులర్ స్టాఫ్ ఇద్దరే ఉన్నారు. ఇదే జిల్లాలో కొడంగల్ కాలేజీని మూసివేసారు. ఆంద్ర పాలకులు తెలంగాణకు చేసిన అన్యాయం ఇది. ఈ కాలేజీ ఎంతో మంది మేధావులను అందించింది. ఇవ్వాల మోడుపోఇన చెట్టు లా ఉన్నది. ఇది ఈ నేల దుస్తితి. తెలుగు భాష పేరుతో తెలంగాణకు చేస్తున్న అన్యాయం .

ఇదే జిల్లాలో నాగర్ కర్నూల్ మండలం లోని ఒక అద్బుతమైన గ్రామాన్ని పరిచయం చేస్తున్నాను. మీ స్మృతి శకలాలలో తడి వుంటే యాడాది కిందట ప్రమాదంలో మరణించిన కృష్ణ వర్మ అనే కళాకారుడు గొంతు వినిపిస్తూ వుండాలి. ఆయన పుట్టిన గ్రామమే ఇది. ఈ మట్టిలో నడయాడిన అతని పాదాలు దేశాన్నంతా తిరిగొచ్చాయి. ఆ వూరి ప్రజలు మట్టి తట్టను నెత్తిన పెట్టుకొని బతకడానికి వలస పోయారు. కాని కృష్ణ వర్మ గోసి గొంగడితో పాటను మోసుకొని తిరిగాడు. అది లఖ్నోఅయితే నీలి జెండాను ఆకాశం అంత ఎత్తుకు ఎగిరేసాడు, అది నాగపూర్ అయితే తథాగతుడు జీవిత సారాన్ని గానం చేసాడు, ఇక తెలంగాణా లో నైతే గోరేట వెంకన్న మస్తిష్కం నుంచి జాలు వారిన ప్రతి పాటను పాడాడు. రేలా ధూళ అంటూ తెలంగాణాను చిందు వేయించాడు. పాలమూరులో పారిన కన్నీటి అలల ఫై దుక్క గీతాన్ని ఆలాపించాడు. పాట కోసం అతను బతికాడు, పైసా కోసం అతని భార్య ఆలోచించింది. సంధి కుదరలేదు. భార్య వదిలేసింది. ఇప్పుడు, కూలి పోఇన పాత గోడల సాక్షిగా వాళ్ళిద్దరికీ పుట్టిన ఏడేండ్ల పాప వుంది. ఇది ఒక కృష్ణ వర్మ జీవితమే కాదు, తెలంగాణా లో చదువు లేక, కొలువు లేక వున్నా నీళ్ళు దక్కక చాలా జీవితాలు ఇలా చిద్రమయ్యాయి అతడి సంస్మరణ సభలో పాల్గొని బరువెక్కి న నా గుండె బాధను కొంతైనా దింపుకుందామని మీతో పంచుకుంటున్నాను.

26, మార్చి 2011, శనివారం

నా తెలంగాణ


గాయపడ్డ కన్నీళ్ళు


రెప్పల కమురు వాసన


బొట్లు బొట్లుగా


రాలిపడుతున్న మాంసం ముద్దలు


ఉదయించని సూర్యుని ఫై


వేళాడుతున్న స్వప్నం


నా తెలంగాణ


మోదుగు పువ్వులో


నలతగా పొడుస్తున్న


చంద్రుని ముఖానికి


ఎరుపుని అలికి


సాగనంపిన తల్లి


నా తెలంగాణ



చిరుగాలి పెదవులఫై


మొలకెత్తిన పాలకంకి


ఎద్దు గిట్టల కింద


నెత్తురు కక్కిన వేళ


జమ్మి చెట్టు ఫై


నిద్రిస్తున్న కొడవళ్ళకు


యుద్ధం నేర్పిన నేల


నా తెలంగాణ



సప్త వర్ణాల బతుకమ్మ


రోడ్డు మీద నిలిచి


చుక్కలను అరచేత పట్టి


రెక్క విప్పిన తెలంగాణాను


గొంతెత్తి పిలిచింది



బొడ్డు మల్లెల మునివేళ్ళఫై


ఊహల ఉయ్యాలలో


ఉద్యమాన్ని ముద్దాడిన


యవ్వనపు కలలను


చిగురిస్తున్న వసంతానికి


క్యాంపస్ లే సాక్ష్యం


- - - - - - - - - - -


అసంపూర్ణ వాక్యంలా


సీక్వెన్స్ లేని నిద్రలా


పూర్తి కానీ ఈ కవితలా


అరవై వసంతాల


తెలంగాణ కల ఫలించనే లేదు


23, మార్చి 2011, బుధవారం

తెలంగాణా !

ఈ బ్లాగ్ తెలంగాణా ఉద్యమ తీరు తెన్నులను ఎప్పటికప్పుడు విస్లేషించేందుకు పోరు బాటను దగ్గర నుండి చూసిన అనుబవాలను పంచుకునేందుకు ఉద్దేశించబడింది .